林欣彤撬華姐牆腳
陪天堂鳥Tyrese打邊爐

下個月底將28歲的林欣彤,2010年參加《超級巨星2》入行,一直被看好的她有「小巨肺」之稱,惜之後遇上失聲、患上抑鬱及厭食症,事業發展全面停頓,直至病癒後轉投王祖藍公司才重新出發。
事業有新開始,愛情方面亦似有「起色」,最近有傳Mag和MK組合天堂鳥成員歐鎮源撻着,可是Tyrese早有正印女友、華姐冠軍余思霆,因此Mag被指為「最強小三」,《蘋果》讀者Cecilia日前更透過「爆相爆片」,分享在元朗發現Mag及Tyrese拍拖嘆火鍋的相片。
【意猶未盡】
■天堂鳥成員Tyrese雖有華姐女友,但日前被發現與林欣彤在快餐店撐枱腳。讀者提供圖片

堅稱冇拖手
讀者Cecilia表示:「嗰晚9點幾,我喺元朗吉野家見到林欣彤同個男仔(Tyrese)拖住手入嚟,起初都唔認得,因為林欣彤戴口罩,後來佢哋買完嘢,都係林欣彤負責攞嘢食,佢哋全程有講有笑,Mag笑得特別大聲,而且個樣好冧,個男仔食完自己個餐,仲幫Mag食埋佢食剩嘅火鍋配料,食完兩個人用一把遮咁走。」
不過,Mag日前接受《蘋果》訪問,堅稱二人沒有拖手。她說:「冇(拖手),讀者睇錯,真係唔係一齊。」問她可擔心Tyrese女友誤會?Mag強調二人只是朋友,沒有發展可能。昨日她於牛頭角出席活動,對於被封為「最強小三」,Mag笑謂:「如果話我最強,咁係最強三部曲囉,今年我出咗三首新歌就好似連續劇,頭兩首點擊過咗100萬,最尾嗰首要跑數,希望多多支持,如果達標我請食飯。」
採訪:嵐山
■林欣彤與Tyrese早前一齊去欣賞HotCha演唱會,馮允嫌做電燈膽。互聯網圖片 ■余思霆是2017年華姐冠軍,早前公開承認與天堂鳥成員Tyrese(左)拍拖。互聯網圖片