復合男女溫馨的黃昏
林作咪書 陪麥明詩食Tea

現年26歲的「十優港姐」麥明詩在15年當選港姐,同年被揭與28歲的大狀男友林作拍拖,兩人是英國牛津同學,當時已相戀兩年。麥明詩加入娛樂圈後,欲低調感情生活,偏偏經常被踢爆,麥明詩忙工作時,花弗的林作屢次被發現背着女友偷食,令麥明詩心碎,兩人拖拉了一年,前年9月爆「分」訊,結束3年情。不過亦有指兩人玩地下情,掟煲唔掟蓋。麥明詩和林作日前又被讀者梁太透過「爆相爆片」,分享他們在金鐘人約黃昏後。 【無言默契】
■麥明詩日前跟林作約會,林作專心看書,麥明詩則吃東西,兩人似有着無言的默契。讀者提供圖片

植物包圍好隱閉
梁太表示日前的下午6時15分在金鐘一間西餐廳,撞見麥明詩和林作約會,梁太日前在電話訪問中說:「嗰段時間唔係太多人,見佢哋坐咗喺室外,林作睇書,麥明詩就食飯,冇乜交談。」梁太形容林作全程專心看書,反而戴着白色鴨舌帽的麥明詩警覺性甚高,她一邊吃,一邊四處張望,以防被偷拍。相中所見,兩人選坐戶外樹下的位置,餐桌都植物包圍,十分隱閉。大約6時半左右,麥明詩和林作就前後腳離開,林作埋單後先行一步,麥明詩則繼續留下,她坐着講了大概十分鐘電話才獨自離開餐廳,兩人並沒有一同行動。 ■麥明詩早前外遊,享受陽光與海灘,穿上三點式大晒身材。互聯網圖片 ■麥明詩甩拖後,追求者眾,早前傳出跟藥房太子爺Thomas過從甚密。互聯網圖片 ■麥明詩(中)在節目《#後生仔傾吓偈》中,不時分享戀愛秘密。電視圖片

自嘲冇新聞價值
林作和麥明詩的感情關係糾纏不清,記者前日致電林作,問到他是否跟麥明詩復合?林作即遊花園說:「我經過網上微服出巡,多次同網友交流後得知,根本冇任何嘅網民係有興趣知道關於我嘅嘢,所以我唔希望將自己睇成係啲乜嘢人物,所以呢啲冇乜好回應,冇人想知就唔好當係乜嘢一回事,由佢。」林作繼續踩低自己:「我都知好多網民好煩、好厭,對呢啲冇任何新聞價值,沒完沒了嘅嘢,所以我為佢哋服務,都係唔作任何事端出嚟。」而麥明詩前日也回覆傳媒說:「朋友食個tea啫。」
林作和麥明詩前年分手後,兩人回復單身都各自社交活動忙碌。麥明詩早前曾於無綫節目《#後生仔傾吓偈》內,被迫向三位男士發出「你覺得我哋之間係咪得純友誼?」的短訊,麥明詩選了緋聞男友、劍橋書友仔兼藥房太子爺Thomas Chong、吳業坤及楊潮凱,當時拍檔馮盈盈叫麥明詩傳短訊給舊愛林作,但麥明詩堅持不肯,令人覺得她和林作之間仍有耐人尋味關係,場面尷尬。
採訪:嵐山