【短片】【爆相爆片】孖女友人齊齊去滾 肥仔梁業:女友唔會誤會

繼MIRROR成員姜濤被爆早前與網紅女「墨爺」Anjan親密地現身銅鑼灣街頭後,同樣是ViuTV《全民造星》出身的另一隊組合ERROR隊長肥仔(梁業),亦被爆背住女友阿芬,與女友人撐枱腳。日前有《蘋果》讀者梁先生,透過《蘋果》的「爆相爆片」表示日前凌晨時分在旺角一火鍋店捕獲肥仔,梁先生說:「嗰陣大約12點左右,我經過廁所途中,見佢同另一個女仔等位,本來我以為佢哋一班人食嘢,但之後我見到得佢哋兩個入座。」

讀者梁先生謂,當時肥仔全程與女友人有講有笑:「由於距離太遠,聽唔到佢哋講咩,但係見到全程肥仔不停氹個女仔笑,個女仔表現亦好開心,大約食咗一個鐘就離去。」梁先生聲稱雖然當時未見有人認得肥仔,不過肥仔的警覺性很高,不停望周圍的人。

其後肥仔接受《蘋果》訪問,他說:「嗰個女仔唔係我女友,係跳舞嘅friend,我哋係排完舞一齊去食嘢。」講到全程「氹個女仔笑」,他說:「我哋識咗好耐,全程笑係好正常,女友唔會誤會,佢知道我有好多排舞嘅朋友,做完嘢會一齊去食飯!」

《蘋果動新聞》訂閱新世代,4月開始免費訂閱,現在接受登記!
http://bit.ly/2Ja3IXw

全港打工仔特約:Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef

資料圖片(左)/讀者提供圖片(右) 肥仔指女方是跳舞的朋友,當時排完舞大家一齊食飯打邊爐。(讀者提供圖片) 肥仔話唔擔心女友誤會。(資料圖片)