(讀者提供相片)

【爆相爆片】王維基袁莎妮現身鹿兒島 帶電腦做公事

現年56歲、有「魔童」之稱嘅香港電視網絡有限公司主席王維基,今日俾《蘋果》發現日前入紙同48歲袁莎妮結婚,其後王維基回覆:「係呀。多謝關心。」加一個微笑emoji。

喺擬結婚通知書曝光嘅前夕,《蘋果》讀者何先生日前透過「爆相爆片」喺鹿兒島機場嘅候機室捕獲王維基,同行嘅仲有女友袁莎妮,何先生話:「嗰日大約係朝早11點鐘左右,王維基同埋女友人喺鹿兒島機場,佢哋坐喺候機等座hkexpress返港,不過王維基似乎好忙,嗰陣見佢揀咗最角嘅位置,拎住部surface喺度做嘢!」

話晒之前港視搞到咁大迴響,又試過出戰立法會,當然有唔少人認得佢,何生就話:「等機嗰陣有乘客認得到佢,我見嗰人走去同王維基打招呼,王維基都好nice咁握手,大家仲傾咗一陣,之後見佢坐番低繼續做嘢直至登機。」唔知女友又做緊啲嘢呢?何生話:「全程坐咗喺度冇乜嘢交流喎!」

精選娛聞,喺晒《娛果》
http://fb.com/appledailyent
王維基出去旅都公事跟身!(讀者提供相片) 成功男人背後,要一個可以悶得嘅女人!(讀者提供相片)