林先生話當時有乘客問車長點解行咗嚟呢度,隱約聽到車長話因為荃灣整路,但林先生就覺得「整路都唔會咁兜㗎。」(讀者林先生提供)

【爆相爆片】九巴行錯路去青衣變入沙田?乘客:好失望

又有巴士行錯路!?讀者林先生周四晚9點幾喺荃灣搭九巴43號返葵涌屋企,部車原本係由荃灣去青衣,點知懷疑車長唔識路,部巴士去咗象鼻山路停低咗。

林先生話當時有乘客問車長點解行咗嚟呢度,隱約聽到車長話因為荃灣整路,但林先生就覺得「整路都唔會咁兜㗎。」車長當時都通知公司,隔咗廿分鐘左右,有另一部巴士到場帶路,但由於已經要直駛入城門隧道,最後部43入埋沙田喺新城市廣場先屈番轉頭返番荃灣再入青衣。林先生話原本15分鐘車程,變咗搭成粒鐘都未返到屋企,對巴士服務真係失望。

九巴回覆事件表示,至於該輛43線九巴由荃灣西開出駛至德士古道,因道路工程問題,巴士不能駛入大窩口道,需改道至荃錦交匯處,車長誤駛入象鼻山道,並於城隧收費廣場停車知會公司,九巴遂派員帶領車長返回原來路線,九巴向受影響乘客致歉。

你敢爆,我敢獎! 即Call《蘋果》24小時爆相爆片熱線63836568