【短片】【男神昏迷】出事前數天陪阿媽食飯 讀者爆余德丞好「擦得」

下月2日便29歲生日的余德丞(Dickson),因為靚仔、高大加上形象健康,被稱為新一代男神,亦是無綫力捧對象,故工作不斷。惟昨晚他與友人於西營盤踢波期間突感不適後暈倒,被送到瑪麗醫院後,現時仍在深切治療部,今早更傳出情況轉為危殆,Dickson母親亦急急再次趕往醫院。

最近忙為劇集開工的Dickson,早於事發前10日,曾被《蘋果》讀者趙小姐在銅鑼灣遇見他陪母親食飯,日前更透過「爆相爆片」分享當日在發現Dickson跟母親及一位年青女子在冰室撐枱腳的相片。

讀者趙小姐受訪時向《蘋果》透露:「嗰日係星期日(7月29日),大約中午12點半,我喺蘭芳道一間懷舊冰室見到佢,佢著白色T恤,見個男仔幾靚仔,仲搽咗粉底,所以望咗兩眼,跟住就認得係佢。」趙小姐又說:「佢哋坐近落地玻璃嗰張枱,佢自己坐一邊,兩個女士就坐佢對面,其中一個應該係佢阿媽,個樣都少少似,另一個年紀細啲,可能係佢阿妹,但唔肯定。」

雖然三人同枱,但趙小姐指Dickson跟現在都市人一樣,大多時間都拿着手提電話篤來篤去,但久不久都有加入話題講一兩句。而且形容Dickson好「擦得」,吃完炒粉麵再多叫一碟雞翼,邊食邊篤電話。

此外,《蘋果》上周四(8月2日)亦發現Dickson約友人在銅鑼灣嘆咖啡。當日約下午3時多,頭戴Cap帽、穿上黑色背心、波褲的他,與一位男友人在銅鑼灣利園內一間連鎖咖啡店,一邊飲咖啡一邊傾偈。當日他看來雖然略帶倦容,但心情不錯,與友人傾談期間不時笑起來,兩人大約傾了15分鐘,再有一位男子加入,三人再暢談多十多分鐘,Dickson便與其中一位男友人先行離開。


精選娛聞,喺晒《娛果》
http://fb.com/appledailyent
(讀者提供圖片) 余德丞開餐時,全程拿着手電話。(讀者提供圖片) 不停篤電話。(讀者提供圖片) 繼續篤唔停。(讀者提供圖片) 余德丞同媽媽及一個女仔一齊去冰室食午飯。(讀者提供圖片) 同蔡思貝拍旅遊特輯,但緋聞炒唔起。(網上圖片) 擁42吋胸肌。(網上圖片) 獲力捧經常有工作機會。(網上圖片)