【短片】【爆相爆片】【蘋民直擊】迪士尼灰熊山谷故障撞頭 遊客曝曬嗌痛

【16:53】新增動新聞
【16:02】新增迪士尼回應:今日約中午十二時,灰熊山極速礦車因機件故障,一度暫停服務。演藝人員安排約20名賓客,安全離開設施,事件中未有接獲賓客報稱不適或受傷,遊樂設施隨後約一時三十分重新開放。

「真係掃興呀,玩第一個遊戲就即刻故障,仲以為係特別效果!」今日到迪士尼主題公園遊玩的讀者李先生,約12時入園,第一個玩的遊戲便是灰熊山谷,當時整卡車坐滿乘客約20多人,惟他們坐了約1分鐘到達上斜位置,整卡車突然向前撞了一下,由於衝力頗大,全部乘客頭向後chok,之後立即停機,引得全場大呼小叫。

李先生指現場傳來廣播「機械故障」,著乘客留在座位等候,今日艷陽高照,全車人開始「曝曬」,有人鼓譟猛問「咩事」,又有人因為衝力大、頭撞向後時都「撞得幾甘」,「幾痛㗎,啲人嗌晒出嚟話好痛,仲話好曬好曬。等咗10至15分鐘,1男1女職員出現,開始用鐵通咁嘅物體弄開車卡門嘅安全鎖,先可以行番出嚟。」他指期間不斷有乘客問職員發生甚麼事,職員只表示「機械故障」,並無再解釋原因。

全車乘客由職員帶領下,沿路軌樓梯行落地面,約分多2分鐘到達地面,李先生坦言一肚氣,半年前他來迪士尼遊玩,同樣玩灰熊山谷,亦同樣因故障而玩不成,想不到事隔半年再入園,竟重蹈覆轍,還要今日入園第一個玩的遊戲便出事。「我都好無奈,上次係咁,今次又係咁,真係冇癮。」他指上次故障後已即時向職員投訴,希望園方可做多啲維修,「點知半年又係咁,好唔滿意。」

你敢爆,我敢獎! 即Call《蘋果》24小時爆相爆片熱線63836568
疑因機件故障,灰熊山谷全部乘客要落車。(讀者李先生提供) 疑因機件故障,灰熊山谷急煞車,全部乘客坐車廂內等候安排。(讀者李先生提供) 職員用鐵通類物體弄開車卡門安全鎖。(讀者李先生提供) 乘客在車廂等候曝曬。(讀者李先生提供) 疑因機件故障,灰熊山谷全部乘客要落車。(讀者李先生提供)