(讀者提供圖片)

【爆相爆片】老公Sergio做湊女公 梁詠琪安心傾偈

梁詠琪(GiGi)下個月會喺紅館舉行演唱會,趁未進入倒階段,GiGi都盡量抽時間陪家人,《蘋果》讀者李小姐,日前就喺數碼港巧遇GiGi一家,並透過「爆相爆片」分享當日拍下GiGi和西班牙籍丈夫Sergio及女兒Sofia嘅相片。

李小姐表示:「嗰日見到GiGi時大約4點左右,佢同老公、囡囡,仲有傅家俊一家,見到大部份時間都係佢老公照顧個女,又抱又餵囡囡食香蕉。」問李小姐可有其他人發現GiGi一家?佢話:「有呀,都有人搵佢影相,不過佢都有禮貌咁推咗,聽到佢話因為嗰日係同屋企人去玩,所以唔影相,之後啲人就叫傅家俊影。」

當日數碼港搞嘉年華,現場有唔少小朋友啱玩嘅機動遊戲,李小姐見到GiGi嘅時候,佢就同老公等人陪Sofia排隊玩碰碰車。李小姐仲話佢哋之前都有玩啲攤位遊戲,但唔見有贏禮物。

精選娛聞,喺晒《娛果》
http://fb.com/appledailyent
讀者李小姐話當日撞見GiGi,同場仲有傅家俊。(讀者提供圖片) 相信因為係復活節關係,GiGi手上嘅「手袋」都係兔仔形狀。(讀者提供圖片) 見GiGi同俊好好傾咁(讀者提供圖片) (讀者提供圖片) 喺大人傾偈期間,Sofia好似一般小朋友咁攀爬圍欄。(讀者提供圖片) 爹哋Sergio見狀扶番個女落地,再餵囡囡食蕉。(讀者提供圖片) Sofia好聽話(讀者提供圖片)