【短片】【爆相爆片】連詩雅去超市買餸玩煮飯仔 身邊男伴竟然唔係正印徐浩?

連詩雅(Shiga)同百億麻雀館太子爺石恆聰(Anthony)分手後,前年被爆戀上音樂人徐浩,去年終於承認男友身份公開拍拖,早前Shiga爆欠租羅生門,徐浩就喺社交網留言力撐女友,不過,日前Shiga被讀者「爆相爆片」去超市買餸玩煮飯仔,身邊嘅男伴並唔係正印徐浩喎!

讀者李小姐接受《蘋果》電話訪問表示,日前晚上喺又一城超市見到Shiga:「嗰晚大約7點40分,見到Shiga同男伴買嘢食,佢着得好casual,等畀錢過程同男伴傾得幾親密,見到佢買完嘢之後同男伴去攞車,因為嗰個位可以落停車場,唔知係咪返屋企呢。」

相中所見Shiga同男友人都戴上cap帽,男友人嘅身型比徐浩高大得多,李小姐表示:「雖然佢哋唔係太親密,但見到Shiga好嗲咁望住男伴,仲企到S型咁挨一挨對方,表現好似男女朋友咁,因為埋單時見佢等男伴畀錢。走嘅時候佢哋冇蹺住手,但並排行有傾有講,仲行到手撞手㖭,」問到Shiga戴cap帽遮樣都認到?李小姐話:「因為佢都幾高,高高瘦瘦,其他人都有望到佢,佢都冇避忌,好專心同男伴傾偈。」

最港電影大獎投票網址
http://bit.ly/thekongestfilmawards

精選娛聞,喺晒《娛果》
http://fb.com/appledailyent
連詩雅(Shiga)同百億麻雀館太子爺石恆聰(Anthony)分手。(資料圖片) 前年被爆戀上音樂人徐浩,去年終於承認男友身份公開拍拖。(資料圖片) 日前Shiga被讀者「爆相爆片」去超市買餸玩煮飯仔(讀者提供圖片) 身邊嘅男伴並唔係正印徐浩喎!(讀者提供圖片) 相中所見Shiga同男友人都戴上cap帽,男友人嘅身型比徐浩高大得多。(讀者提供圖片)