年初認了解中 鬼祟拍拖四圍望
張振朗32D楊偲泳
情侶裝蜜遊東京

【耐心守候】■楊偲泳在新宿睇卡通襪,張振朗就一直在旁邊耐心守候。讀者提供圖片 現年31歲的無綫小生張振朗近年成功上位,去年與34C咪神陳芷尤分手後緋聞多多,今年初被指撻着比他小6歲、擁32D爆乳的ViuTV藝人楊偲泳。日前《蘋果》讀者王小姐透過「爆相爆片」,直擊張振朗與偲泳周日身穿情侶裝,在日本東京新宿甜蜜行雜貨店,非常低調。

睇卡通襪
王小姐表示在周日晚上約11時半,見到張振朗與偲泳在新宿一齊行雜貨店,二人同穿黑色外套。從短片見到,張振朗似乎早有斬獲,膊頭孭住一個載有運動波鞋的黑色袋,而偲泳入店舖後就好奇四處望,一時睇護膚品,一時睇卡通襪,張振朗耐心站在女友身後,間中還有給予意見。讀者王小姐說:「佢哋好似普通情侶行街,冇拖手嘅,但有講有笑,見到人影相,個樣就有少少尷尬。」

未被踢爆同遊東京前,張振朗和偲泳連日已不停在Ig貼出到日本旅行相片,雖然沒有合照,但在限時動態分別貼出食海膽相片,又一同貼出去teamLab Borderless數位藝術美術館的相片,更有網友在偲泳的貼文下留言:「張振朗視角。」
【甜蜜揀襪】■張振朗又不時給意見,看來與偲泳相當甜蜜。 【睇護膚品】■張振朗除了陪女友揀卡通襪,還一同睇護膚品。

飯敍相識
今次與楊偲泳蜜遊東京,張振朗昨日回覆傳媒說:「其實我已經兩年冇放過假,所以今次想好好咁休息一下,為嚟緊嘅工作做好準備,同埋都希望外界唔好單單評論偲泳外形,其實佢同我一樣都係好鍾意演戲,佢係個好有內涵嘅女仔,多謝大家關心。」

張振朗和偲泳在不同電視台工作,本應大纜都扯唔埋,原來兩人透過共同朋友,在一次飯敍中相識,一見便情投意合,極速發展成情侶。早前男方更被拍得到訪女方西環的香閨,又常常化身「柴可夫司機」接送對方。而偲泳對於這段情也十分投入,拍拖後曾在張振朗於Ig上載的唱歌短片,大膽派like,低調地隔空傳情。不過由於二人在不同陣營,對外始終避忌,甚少提及對方,偲泳曾說:「唔好影響身邊人,唔好傷害我在意嘅人。」張振朗當時承認和偲泳互相了解中,希望大家給予空間。

此外,張振朗在東京街頭遇見一齊合作拍《極道怪咖》的朱敏瀚,兩人都有在社交網貼上合照,估計當時大家都見到對方的另一半,但卻要互相守住「秘密」。
採訪:嵐山
■ViuTV小花楊偲泳熱愛運動,身材甚弗,更擁32D爆乳。資料圖片 ■偲泳在teamLab Borderless美術館留影,相信是出自張振朗之手。互聯網圖片 ■張振朗的Ig上也有遊日時的「女朋友視角」照片。互聯網圖片