■機場停機坪有一板貨物起火,消防員開喉灌救。

爆相爆片:停機坪貨物「自焚」
印度男職員疑縱火被捕

噚日下晝兩點幾,赤鱲角機場停機坪發生火警,有一板貨物突然起火。消防趕去停機坪開喉救火,29分鐘後將火救熄。初時調查話起火嘅貨物入面懷疑有鋰電池,唔排除係鋰電自燃,事件冇可疑。當大家都以為係一單普通電池起火嘅火警,點知事隔幾個鐘,調查有突破性發展,原本冇可疑嘅火警變成一單縱火案,警方仲好有效率咁拉咗人㖭。

CCTV又建一功
噚日火警救熄之後,機管局發言人話機場喺下晝兩點幾接到報告,喺中場客運大樓208停機坪有貨物起火,消防喺2點55分將火救熄。機場運作冇受影響。記者分別向警方同消防了解,佢哋都話火警冇可疑,消息仲話懷疑貨物入面有鋰電池着火。點知噚晚接近9點嘅時候,警方最新消息係將火警列做縱火案調查,仲拉咗一個21歲有香港身份證嘅印度裔青年。消息話佢係機場員工。

點解一單火警會突然間咁峯迴路轉呢?原來又係CCTV嘅功勞,調查人員翻查CCTV紀錄,見到有個可疑男人走埋去嗰一板貨物度,嗰啲貨物入面有電路板,然後貨物隨即起火,懷疑有人縱火。至於嗰個青年點解要縱火,就要交畀機場警區刑事調查隊繼續調查喇。

雖然今次事件最後起火原因同鋰電池冇直接關係,但講開鋰電池就順便講埋,機場網頁列明,為咗確保旅客有安全嘅飛行旅程,香港國際機場已經按照國際民用航空組織嘅指引,實施嚴密嘅保安規定,包括嚴禁喺託運行李存放備用鋰電池同可攜式電池充電器。

爆相爆片
爆相畀$500、爆片送$1,000嘅基本獎賞外,仲會選出每周之星,每星期最高單日總點擊頭5名即刻科水$10,000,而每月15號至翌月14號期間獲得全月最高單日總點擊者,更可以成為每月盟主,額外獎賞$100,000,係$100,000!爆相爆片必須為本報獨家採用,一經刊登立即有獎!

爆相爆片WhatsApp:63836568

參加細則
1.爆相爆片必須由參加者拍攝。
2.若本報發現任何造假情況,將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利,如有任何爭議,以本報決定為準。