撻老闆朶有免費餐
卓林孖Andi踎街食班戟

【爆相爆片】成龍和吳綺莉的19歲獨女卓林,自從戀上31歲的加拿大籍Andi後,與媽咪關係變得更差,半年前更離家出走,與女友到加國尋生父,直到上月底返港前夕,卓林在社交網高調晒結婚證書,兩人於上月8日在當地註冊,強調Andi已是她的合法同性妻子。不過兩人返港後,曾有《蘋果》讀者透過「爆相爆片」表示在銅鑼灣見到兩人拖手行街,吳綺莉亦坦言曾見過卓林,但女兒暫未搬返家。 ■卓林和Andi(右)懶理途人目光,在街頭開餐。讀者提供圖片

一支煙兩份吸
大前晚再有讀者發現卓林和Andi現身油麻地,讀者周先生透過「爆相爆片」分享,當時卓林和Andi踎街食甜品,周先生說:「大約10點3喺油麻地嘅甜品店,我排緊隊嘅時候見到佢哋出現,聽到卓林話嚟搵老闆阿Ray,店員話老闆唔喺度,幫佢哋打電話畀老闆,跟住又問卓林可唔可以喺甜品店前面影相,卓林話第二日再嚟先影,店員就畀咗張卡片佢,之後佢哋喺度等班戟期間,見到兩個人交換食一支煙,卓林食咗幾啖就遞支煙畀老婆。」

阿Ray唔識卓林
今次卓林和Andi以黑白雙煞look出現,雖然只是在街頭進食,不過兩人似乎很享受,兩人拎食物及兩杯飲品後,企在街邊玩碰杯,跟着踎街食班戟,懶理途人目光!其後《蘋果》發現,甜品店的老闆原來是當年唱《寒冰掌》的前組合VRF成員李安(Ray),阿Ray接受電話訪問表示:「我唔認識卓林㗎,同事有打電話畀我,話佢落咗嚟搵我,自己都唔知點解,不過因為我哋有一位共同朋友,所以我都叫同事請佢食班戟。」
採訪:皓騫、小米