爆相爆片:口罩幫掃場 夷平小販檔

將軍澳尚德邨商場對開一向有小販熟食檔擺賣,入夜之後更有唔少街坊嚟幫襯買消夜。前晚11點幾,當時現場約有10檔熟食小販,有街坊喺fb將軍澳群組上載咗條片,話尚德俾人掃場;片段中見到有一班男人背向鏡頭揚長而去,拍片者就話佢哋戴晒口罩,當中一個中佬做指揮,另外七、八個惡漢不由分說衝向小販中推冧啲手推車,啲熟食滾湯倒到一地都係,一個女檔主避唔切,俾啲滾湯汁濺中受傷。 ■有市民拍攝到近10名戴口罩男子(箭嘴示),掃場後閃電離開。讀者提供圖片

女檔販遭淥傷臉
警方接獲報案趕至調查,但喺附近兜截都搵唔到呢班惡人蹤影。由於部份小販手推車上裝有石油氣罐,擔心發生爆炸意外,消防員都奉召到場了解事件,好彩最後都冇發生危險。事發後現場一片混亂,救護員即刻替一名燙傷臉同身體嘅42歲張姓女檔主敷治。據了解,受傷女檔主連同姓曾嘅丈夫、囝囝一齊擺檔,佢先生就話平日夜晚9點左右就會到場開檔,佢哋一家三口主要賣酸辣粉,一向相安無事,亦冇人收陀地。佢憶述,事發嗰陣一大班惡漢突然出現搗亂,佢哋架手推車仔嚴重損毀,連鐵枝都撞到變形扭曲。

之後受傷女檔主由救護車送院,其餘小販就喺現場打掃清理,警察登記晒佢哋啲資料後畀佢哋離開,暫列作刑事毀壞案。西貢區議員簡兆祺話,小販喺度擺熟食檔好多年,屬違法擺賣。但擺檔位置係領展管理,佢曾經喺區議會要求領展嚴厲管理,但情況一直冇改善。

今次發生掃場事件,簡兆祺重申會要求領展切實執行管理。警方事後拉咗15人,懷疑與案有關,領展指過去一年曾與相關部門進行三次掃蕩行動。

爆相爆片
爆相畀$500、爆片送$1,000嘅基本獎賞外,仲會選出每周之星,每星期最高單日總點擊頭5名即刻科水$10,000,而每月15號至翌月14號期間獲得全月最高單日總點擊者,更可以成為每月盟主,額外獎賞$100,000,係$100,000!爆相爆片必須為本報獨家採用,一經刊登立即有獎!

爆相爆片WhatsApp:63836568

參加細則
1.爆相爆片必須由參加者拍攝。
2.若本報發現任何造假情況,將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利,如有任何爭議,以本報決定為準。