千億新抱變性感辣媽
Bra Top子淇陪凸腩夫遊希臘

■徐子淇早前跟老公李家誠到希臘旅行,其火辣bra top十分吸睛。讀者提供圖片 【爆相爆片】現年35歲的徐子淇模特兒兼演員出身,影過不少泳衣及性感靚相,不過自從06年下嫁李家誠成為「千億新抱」,成為兩子兩女母親後,已鮮見子淇作性感打扮。其實她身形一直保持得非常好,早排她跟老公李家誠到希臘度假,被本報讀者陳先生透過「爆相爆片」分享她穿着bra top的照片。

顏色搶眼
陳先生透露早前在希臘藍白小島聖托里尼(Santorini)見到徐子淇夫婦,他說:「條片個時間係香港時間,希臘慢5個鐘,即係大概當地6點。嗰邊日照好長,9點先天黑,6點開始準備睇日落,相信佢哋都係去嗰度睇。」陳先生表示當時較徐子淇一行人晚到達,一去到就認出對方:「佢套衫嘅顏色真係幾搶眼,同埋嗰段時間唔係好多遊客,特別係華人。」之後徐子淇一行人先於陳先生離開,由於所處地方為碼頭,一行人如果要返回大街,選擇不外乎乘䌫車、騎驢仔或者行樓梯拾級而上。 ■16年徐子淇為細仔李建熹擺百日宴。資料圖片 ■熱心公益的徐子淇,早前帶同子女到老撾探訪。資料圖片

身形弗爆
從影片中見到,同行的夫婦應該為李家誠老友、李國寶細仔李民斌跟太太馮靈針,由於當地陽光猛烈,兩位女士都戴着闊邊帽。但論性感馮靈針的露肩裝就不及子淇的bra top搶鏡。雖然子淇已是4名小朋友的母親,但仍保持着模特兒時的身形。而且對鏡頭嘅敏感度不減當年,照片所見當子淇轉身發現有人影相時,已經金睛火眼全程望實,果然訓練有素。
採訪:李森