【短片】【獨家足本睇】黃心穎胸壓攬住啜   許志安背Sammi偷食馬明女友

51歲許志安(安仔)和鄭秀文(Sammi)經歷分手、復合到結婚,走過考驗才許下婚姻的盟誓,3年前黃子華為Sammi演唱會擔任嘉賓,就以「香港最後一個童話」來形容他們的愛情故事。

今年是兩人結婚5周年紀念,不過,這個愛情「童話」,從今天起,或要幻滅了!安仔將於今晚7時假銅鑼灣一間酒店舉行記者會交代「安心事件」。

日前《蘋果》得到一條車廂偷情的短片,男主角是有婦之夫許志安,女主角是跟馬國明熱戀中的黃心穎,兩人竟然背另一半搞「安心偷食」真人騷!整條短片長約16分鐘,片段開首見到安仔、心穎和男友人坐在車廂後座,男友人堅持先送心穎返家,戴了黑色口罩的心穎竟爆粗反對:「唔好扮嘢啦!X你!兜X咗我先?」

安仔都撐心穎先送男友人返屋企,冧爆的心穎搣了安仔耳朵一下,再向男友人爆粗:「你住邊呀?X你!」安仔即叫司機開車往大坑,心穎得戚地跟男友人說:「佢(安仔)送我返去呀。」跟住蹺實安仔左臂,整個人挨在安仔身上撒嬌,兩人更各用手袋遮掩,悄悄地玩十指緊扣。

約3分鐘後,男友人抵家預備落車,安仔:「而家你走先,跟住我返我屋企,佢(心穎)返佢屋企。」男友人:「你講堅?」安仔:「係,堅。」惟當男友人落車後,安仔和心穎異口同聲跟司機說:「鯉魚門(心穎香閨)」!

而被網民封為心穎BB的她,原來私底下竟是「世界級姣精」,終於可以在後座跟安仔獨處時原形畢露,馬上隔住口罩咀了安仔一啖,10秒後意猶未盡的她,索性除口罩埋身攬安仔啜嘴,表現猴擒。咀完後,兩人繼續十指緊扣,之後隱約聽到心穎說:「so sad...我好悶...教徒」跟住拉開安仔隻手不再緊拖,安仔惟有順勢將手貼在心穎大腿上,3秒後忍唔住又撩心穎十指緊扣。

由大坑到鯉魚門短短10多分鐘車程,「安心」連環激咀逾20次,全程由心穎採取「主攻」情挑安仔,不停攬他狂打茄輪,其中一次纏綿遊戲錫了近1分鐘,咀到啜啜聲,熱情如火的心穎邊咀邊將手放在安仔腿部附近游走;當車輛駛入隧道後,心穎再次飛擒大咬狂咀安仔,咀完後忘形到連口罩都戴歪了,其間隱約聽到心穎說:「...返屋企,唔好驚喎!」

就算在「休戰」空檔,心穎都「電兔」上身胸壓安仔,捉安仔隻手又捽又玩手指,甚至當安仔是攬枕,將左腳騎在他的身上,啜面錫耳,還用手指幫安仔抹走嘴上的唇膏,風騷入骨。安仔忘記了自己的人夫身份,雖然9成時間都是心穎「主攻」,但安仔卻表現受落,還主動錫了心穎面珠一啖,更越坐越低,似乎擔心被隔鄰車輛發現,而心穎相當識做,咀完就戴口罩遮樣,又不停幫安仔拉下cap帽遮掩。

雖然,當晚心穎表現看似有點醉意,更不時「鬼妹仔」上身大講英文,但差不多抵達目的地時,本來嗲聲嗲氣跟安仔說話的她,竟忽然轉tone跟司機說:「去到燈位轉右,唔該!」似乎酒醉至少都有8分醒。而安仔除了有點疲態,亦不覺有醉酒。兩人到心穎香閨後齊齊落車,後事如何?只有他們兩人最清楚!

而「安心偷食」極大可能發生於本月3日,事關當日心穎曾在IG上載跟安仔、方力申、劉浩龍、梁漢文、丁子高等出席男友人生日飯局的照片,當晚二人的打扮,跟在車廂的衣服一模一樣。

熱定身睇GOT大結局
權力遊戲76頁電子書
幫你極速消化全劇精華
https://bit.ly/2U9OBxz
-----------------------------
星期一至五晚上10點半
《動腦Q》Let\'s Q the money!
http://bit.ly/2QW8LcI

心穎上車即向男友人爆粗:「唔好扮嘢啦!X你!兜X咗我先?」 男友人落車後,心穎即飛擒咀安仔。 當安仔係攬枕 成個人瞓喺安仔身上 全程十指緊扣 體貼地幫安仔拉低帽遮樣 安仔好似飲咗迷暈湯主動錫心穎 咀到啜啜聲,16分鐘激咀逾廿次。 心穎:「so sad...我好悶...教徒」 攬到實 安仔隻手長期貼喺心穎大髀上 心穎:「...返屋企,唔好驚喎!」 咀到口罩都歪嘅心穎,將左腳騎在安仔身上,風騷入骨。 心穎同安仔本月3日出席朋友生日飯局的打扮,跟在車廂的衣服一模一樣。(網上圖片) 梁漢文、方力申、劉浩龍、丁子高等等都有去當日飯局(網上圖片)