【短片】【爆相爆片】黃文廸巴士偷嗒短髮女啜面珠 「長腳蟹」8年婚姻現危機

36歲的「長腳蟹」呂慧儀(Koni)與41歲前香港先生黃文廸(Dickson)於11年結婚,雖然Dickson在娛樂圈的發展不及Koni,賺錢能力備受質疑,不過Koni一直力撐老公,表示結婚當晚所佩戴的鑽飾,全是Dickson送給她的禮物,婚後亦會入住老公的物業。不過,13年Dickson在IG上載一張男女拖手照片,女方塗有黑色指甲油,惹來出軌疑雲,當時有傳第三者是傅嘉莉,不過Koni最後公開表示相信老公,平息了這場風波。(相關新聞﹕https://bit.ly/2NQIYTI)

自從「小蟹子」出世後,Koni一家三口過着幸福的家庭生活,但《蘋果》讀者陳先生,透過「爆相爆片」捕獲Dickson與一短髮女子於巴士車廂內「錫錫」,不過女主角並不是呂慧儀。陳先生表示當日乘坐巴士969,從天水圍往港島區,當去到天耀站的時候,見到Dickson上車:「嗰陣佢係同一個女仔一齊,上到車之後就好親密,我見到個女仔餵佢食糖,個男嘅又錫咗個女仔塊面一啖,因佢哋坐喺尾四嗰行,所以留意到佢哋嘅人唔多,佢哋全程細細聲講嘢,但係笑得好開心,尤其係嗰個女仔,我開頭以為嗰個女仔係佢啲親戚或者係同事,後尾見到咁樣我都打咗個突。」

陳先生之所以認得Dickson,因為已經不是第一次見面,他續說:「雖然個男嘅冇化妝,但我都認得佢,因為有時搭車都會撞到佢,但係佢多數係自己一個人,冇見過佢帶個仔搭巴士,呂慧儀都冇見過,不過呢個女仔都係第一次見。」當巴士到達灣仔站,Dickson與女友人一同下車,該短髮女身材較矮小,與呂慧儀是完全兩類型。陳生說:「佢哋冇拖過手,但係覺得佢哋好甜蜜,Dickson好有風度咁幫個女仔拎住雨傘,等落咗車之後先畀番佢,跟住佢哋一齊行。」

剛過去的情人節,「長腳蟹」直認生完小朋友後,與老公冇以前咁恩愛,她說﹕「生小朋友後我哋就冇過情人節,只係慶祝囝囝半歲生日,我同老公講做樣都要送紮花吖,我就送咗個蛋糕。」其實在呂慧儀的IG亦有跡可尋,自從去年9月貼過同Dickson慶祝生日的合照後,其IG一直未見上載與老公又或者一家三口的相片,反而不時見到她上載與《愛回家》的演員合照,例如在聖誕節、農曆新年亦見她與同事度過,早前更與「龔燁」張景淳一齊看鄭伊健演唱會。與此同時,反而貼了不少單獨湊仔和行山的相片,Koni稱呼4歲兒子為老闆,自封做秘書,她曾說:「每天跟你在一起,我的世界都美」,不過字裏行間都不見有老公的姓名,相片亦只標籤「小蟹子」的IG。至於Dickson方面,不單沒有更新IG,連賬戶都失蹤了。

【編輯推介】

【捱過一刀】64歲金燕玲上蘇施黃節目訪問 自揭患子宮癌:係最惡嗰隻
https://bit.ly/2EV6lIG

【毫無破綻】賤男on call秒回 Sa首次披露曾做第三者:突然他結婚了
https://bit.ly/2VNLv3H

【講錢失感情】莊思敏買樓疑被騙斥朋友唔熟唔食 網民唔撐再鬧爆
https://bit.ly/2NWDln3

【韓流】兩公婆齊齊入市 Rain金泰希各購入千萬豪宅
https://bit.ly/2XEygE6

【韓流】曾患甲狀腺癌 38歲《來自星星的你》女星平安誕女
https://bit.ly/2TBccLp

全港打工仔特約:Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2VKESPM

《Captain Marvel》完全導讀本
足料78頁 深度解構最強英雄!
https://bit.ly/2VyXIt2

第二屆最港電影大獎投票網址
https://bit.ly/thekongestfilmawards2018
(讀者提供圖片/右﹕資料圖片) 陳先生表示黃文廸與女友人上車不久,已經很親密。(讀者提供圖片) 黃文廸疑似錫了女方的臉。(讀者提供圖片) 黃文廸很有風度替女方拎遮。(讀者提供圖片) 呂慧儀自從去年9月貼過與老公合照後,一直未有再貼相。 反而呂慧儀貼了與仔仔的合照。 近日不停貼行山相。 呂慧儀和黃文廸在11年結婚。 呂慧儀和黃文廸都是選美出身,可說是俊男美女相當匹配。(資料圖片)