【短片】【車Cam直擊】紅的雙白線唔停 追撞停定電單車攞命

葵涌發生奪命車禍,鐵騎士遭尾隨的士撞斃。《蘋果》取得一條車Cam片拍下車禍發生一刻,從片段所見,電單車於葵益道支線雙白停車線停定等候駛出路口之際,尾隨的士疑未有察覺前方有車,在未有收掣下猛撞向電單車車尾,由於衝力過大,鐵騎士被撞至凌空拋起再墮地,重創當場昏迷,電單車則如炮彈般飛彈100米外始停下。

提供車Cam片段的梁先生表示,事發時他駕車途經現場,目擊到整個車禍過程,「當時架電單車停喺雙線,因為我嗰邊係綠燈,架電單車應該見我嚟緊等我過!」不料,同一時間,梁先生見到電單車身後有部紅的高速駛至,「我以為部的士會避到(電單車),會抽頭過!點知佢飛住去,冇收油,跟住就砰一聲,撞到架電單車飛上的士頂……。」

梁先生事後被撞車過程嚇得不知所措,得知鐵騎士遭撞斃,更感到心痛:「而家仲驚緊,好心噏!」他其後睇報道得知,肇事的士司機竟然無第一時間報警,還召拖車來勾車,認為做法不妥,更批評該的士司機:「個的士佬駕駛態度有問題,唔使咁嘅,咁慢慢嚟囉!」他直言公開該車Cam片段,希望還死者一個公道。

你敢爆,我敢獎! 即Call《蘋果》24小時爆相爆片熱線63836568
車Cam拍下電單車於雙白線停定期間,被後方的士撞斃。(讀者梁先生提供)