【短片】【爆相爆片】洗米嫂平安夜陪老爺慶祝生日 洗米華冇影原來係去咗......

太陽娛樂老闆周焯華(洗米華)同老婆洗米嫂陳慧玲(Heidi)、以及小三Mandy Lieu嘅關係擾攘多年,時不時就有世界各地嘅讀者見到洗米華同老婆又或者係Mandy四圍去,相信都儲落唔「少」飛行「里」數。而喺上年聖誕前夕,洗米華同老婆仔女、屋企人去咗新西蘭旅行,家人就率先返港,至於Heidi同埋大女梓潼玩多幾日先返香港,Heidi嘅姑奶同老爺仲齊齊接機,不過就未見洗米華嘅踪影。(新聞連結:http://bit.ly/2q2hMcn)

咁到底洗米華去咗邊呢?曾經有指佢喺除夕同元旦陪Mandy Lieu去馬爾代夫享受陽光與海灘,洗米華係咪陪Mandy過年就真係未有人知,不過聖誕節就一定係陪Mandy過。

日前有《蘋果》讀者鍾小姐透過「爆相爆片」報料,喺聖誕節當日見到洗米華同Mandy一齊度過:「嗰日係聖誕節,我朋友喺馬爾代夫嘅The St. Regis Maldives Vommuli Resort見到佢哋,同行嘅有外國朋友,兼且有見到三個小朋友,因為喺沙灘有party,酒店安排咗聖誕老人從天而降,向酒店住嘅小朋友派禮物,嗰陣見到洗米華抱住個小朋友去攞禮物,Mandy就坐埋一邊。」

鍾小姐又話:「過咗兩日我朋友又喺酒店個公眾沙灘見到佢哋,其中小妹妹同一個男仔喺度玩沙,另一個年紀細啲嘅小朋友,就由佢嗰個外國朋友抱住,Mandy同洗米華喺度睇住男仔同女仔玩沙,睇睇吓仲會攬吓kiss吓!不過玩咗冇耐就走人。」至於嗰3個小朋友Mandy同洗米華似唔似樣,鍾小姐只係話:「個樣有少少mix,不過幾靚同得意。」

其實Heidi喺24號平安夜於ig已經貼咗一張大合照,一家人同老爺慶祝生日,唯獨唔見咗洗米華嘅踪影,原來係去咗馬爾代夫,唔怪之得冇影啦!

更多娛聞,喺晒《娛果》
http://fb.com/appledailyent

【minigame】2017瘋暈人物 返工打機唔使擇日
http://bit.ly/2CeWQkP
(左圖讀者提供圖片) 洗米華同Mandy Lieu喺沙灘晒恩愛!(讀者提供圖片) 原來洗米華去咗馬爾代夫過聖誕。(讀者提供圖片) 洗米華嘅爸爸喺平安夜搞生日會,不過唔見洗米華嘅踪影。(ig圖片) 洗米嫂喺2017年嘅最後一日留言,似乎有另一番領悟。(ig圖片) 今年洗米嫂生日,洗米華亦有出席。(ig圖片) (資料圖片) (資料圖片)